Пред една седмица по втор пат во нашата земја се направи трансплантација на срце од поч*нат донор, откако семејството на младата Верица Белчовска по нејзината сообраќајна несреќа решија да ги донираат нејзините органи и да спасат повеќе животи, а воедно со тоа да дел од својата ќерка и сестра да продолжи да живее. Ваквата пракса кај нас е сеуште новитет и поради тоа реакциите на јавноста се неверојатни, а оние кои ги добија нејзините органи не можат да најдат зборови кои ќе бидат доволни за да се заблагодарат.
Немам доволно зборови што можам да искажам кон нејзините родители за таквиот хуман гест. Огромна благодарност чувствувам кон семејството. Животот на младата Верица Белчовска згасна прерано, а нејзините родители решија да помогнат на тројца, четворица пациенти и да спасат животи, изјави за емисијата „Стадион” на Радио Канал 77, Блаже Сапунџиев, примателот на бубрег по успешната трансплатација минатата седмица.
„Бев изненаден, не очекував така да биде, од кадаверичен донор толку брзо да добијам бубрег. Знаете како, свеста на народот кај нас по ова прашање не е на високо ниво, но огромна благодарност чувствувам до фамилијата. Животот на Верче прерано згасна, а ваквиот чекор на нејзините родители помогна да се спаси животот на тројца, четворица пациенти, понатаму и на повеќе луѓе што можат да се спасат и на други начини, срце, кар* ином, бубрези“, изјави 40 годишниот Сапунџиев.
„Немам доволно зборови што можам да ги искажам кон родителите за овој хуман гест. Некако мислам дека е прерано да стапам во комуникација со нив, бидејќи тие се во огромна тага. Не ја познавав Верче, но чувствувам огромна загуба“, додава Сапунџиев.
Целиот текст на ММСсо клик ТУКА.
