Документарниот филм „Медена земја“ ја однесе Атиџе до Холивуд, но по нејзиното враќање речиси сите ја заборавија нејзината тешка судбина и куќарката во која живееше. За среќа се најдоа неколку хумани граѓани кои се решија да и помогнат и да го реновираат нејзиниот дом во Дорфулија, а една од нив е и пејачката и водителка Сузана Турунџиева.
Се чини дека уште од моментот кога се запознаа тие две се поврзаа со нивните тешки судбини, па решија да останат во контакт постојанo. Благодарение на хуманите граѓани нашата медена Атиџе доби конечно дом каков што заслужува а сега нејзината куќа ја опремија и со модерен мебел во ”медова” боја.
Огромна благодарност до моите пријатели Дик Фагус Пехчево, кои на Атиџе и изработија прекрасна трпезарија во медова боја, табуретки, фотеља, масичка со огледало и уште неколку додатоци за во новата куќа и ја усреќија Атиџе напиша Турунџиева на нејзиниот фејзбук профил.
