Денеска во 9 часот наутро е отворен пункт за вакцинација во Трговскиот центар „Ушќе“ во Белград. Секој што сака да се вакцинира, може да го стори тоа без претходна најава, и може да избере од достапните вакцини, пишува Блиц.
Редици започнале да се формира веќе во 8 часот.
За дополнително мотивирање на граѓаните, оние кои ќе се вакцинираат денес, утре и во сабота, ќе добијат подароци.
Така, денес, првите 100 вакцинирани лица ќе добијат ваучер вреден 3.000 динари, или околу 25 евра, за да може да пазарат во овој трговски центар. Оваа акција продолжува утре, кога првите 50 вакцинирани ќе добијат ваучер, вреден 5.000 динари (40 евра) за набавки во продавниците на „Фешн и френдс“, а првите 100 вакцинирани во сабота ќе добијат пакет подароци од „БГ електрони“.
