Европската унија донесе одлука да ги отвори границите за сите патници кои го завршиле процесот на вакцинирање против коронавирусот.
Како што пренесува новнската агенција “AFP”, земјите членки на Унијата се договориле да бидат отворени границите за сите патници кои ги имаат примено двете дози од вакцината против коронавирусот.
Иако амбасадорите на земјите членки на ЕУ на состанокот во Брисел утринава донесоа одлука и за укинување на патните рестрикции за граѓаните на трети земји кои ги добиле двете дози од вакцината против коронавирусот, оваа одлука би требало да биде потврдена на нивото на Советот на ЕУ во петок.
Челниците на ЕУ преговараат и за воведување на дигитални зелени потврди, со што ќе започне спроведувањето на планот за витален спас на претстојната туристичка сезона. Оваа зелена потврда ќе биде доказ дека лицето е вакцинирано, има негативен тест или антитела на коронавирусот.
#BREAKING EU agrees to reopen borders to fully vaccinated travellers: sources pic.twitter.com/lw6NYXF3GC
— AFP News Agency (@AFP) May 19, 2021
Целта на потврдата е што поскоро да се укинат мерките кои моментално се на сила кога е во прашање патувањето меѓу земјите. Меѓутоа, на секоја од 27-те земји членки останува да одлучи какви погодности сертификатот носи во рамките на своите граници.
Се очекува ЕУ целосно да ги отвори своите граници за целосно вакцинираните од почетокот на јуни.
Time to revive 🇪🇺 tourism industry & for cross-border friendships to rekindle – safely.
We propose to welcome again vaccinated visitors & those from countries with a good health situation.
But if variants emerge we have to act fast: we propose an EU emergency brake mechanism.
— Ursula von der Leyen (@vonderleyen) May 3, 2021
