Станува збор за модернизација на партијата, а истовремено е во духот на тоа што го работиме како Влада, е коментарот на премиерот Заев во однос на прашањето дали веста што утре ДУИ ќе ѝ ја соопшти на јавноста е поврзана со заеднички кандидат за градоначалник на Скопје на претстојните локални избори. Заев негираше дека со коалицискиот партнер Али Ахмети разговарале на оваа тема.
„Воопшто не е разговарано за таква работа, за заеднички кандидат или за некакви компензации. Се работи за политичка платформа, перспективи, иднина итн.“,изјави Заев.
Заев додаде дека деталите околу модернизацијата на партијата ќе ги соопшти утре ДУИ.
„Како што ги презентиравме, нашите промени како најголем партнер во нашата коалиција што се правеа со електронската евиденција, непосредното гласање, еднаквата застапеност на жените и мажите и поголема застапеност на младите во партијата, така и од ДУИ ме информираа за оваа квалитативна и убава промена. Се надевам дека ќе постигнат нови успеси, заради тоа што навистина е еден модернистички пристап што ќе очекуваме утре сите да го слушнеме“,дополни Заев.
