Mакедонскиот јазик ќе се слушне и во Холивуд: Актерката Симона Живковска во филмот „Црната вдовица“ зборува на македонски јазик.

На 9 јули блокбастерот „Црната вдовица“ ќе ја има својата премиера, а во него за првпат глуми и една Македонка. Имено, на своите профили на социјалните мрежи, Симона Живковска гордо го објави кусото видео со сцена од филмот „Црната вдовица“ каде глуми покрај Скарлет Јохансон, актерката која го игра главниот лик.

Воедно овој филм е прв од ваков вид во кој се слуша македонскиот јазик, бидејќи Симона со својата филмска партнерка (додека ја бркаат Црната вдовица) комуницира токму на македонски.

Во филмот таа не само што има оружена пресметка со Наташа Романов, односно Црната вдовица, туку и ја брка на мотор низ Лондон, додека Наташа и партнерката бегаат со автомобил.

„Остана уште малку! Не можам да дочекам да го видите ова! Новина е и дека зборувам на мојот мајчин јазик – македонски“, напиша Симона во објавата на социјалните мрежи.