Премиерот Зоран Заев преку социјалните мрежи упати благодарност до сите кои учествуваат во гасењето на пожарите во Македонија.
Како што додаде тој, најважно е дека луѓето и нивните имоти се заштитени, а шумата ќе се обнови во најбрз временски период.
„Солидарноста, системското функционирање, хиерархиската поставеност, во координација со меѓународните сили, го дадоа резултатот за да се локализираат и изгасат пожарите.
Заслужни за тоа се армиските хеликоптери, заедно со нашите херои – пожарникарите, полицијата, армијата, шумарите и шумските служби, ДЗС, ЦУК, како и помошта од Австрија, Словенија, Романија, Бугарија и Србија.
Голема е загубата во делот на шумите, но во брзо време ќе ги возобновиме. Важно е дека се заштитени луѓето, куќите, шталите и имотите на граѓаните“, рече Заев.
