Премиерот Еди Рама ја потврди информацијата дека Албанија го прифатила барањето на САД да згрижи Авганистанци, чии животи се загрозени од талибанците.
-Вистина е, да, дека последните денови американската влада побара од Албанија да процени дали може да послужи како транзитна земја за одреден број авганистански политички имигранти, чија крајна дестинација се САД. И неспорно нема да кажеме не, не само затоа што тоа го бараат нашите големи сојузници, туку затоа што ние сме Албанија. Албанија е дом на Албанецот кој не ја треска вратата пред непознати луѓе што тропаат за заштита – рече Рама.
Тој додаде дека и Косово би требало позитивно да одговори на сместување на Авганистанците кои бегаат од својата држава, ако тоа го побара САД.
-На самитот реков дека по повлекувањето на своите војски, заедницата на демократската цивилизација на НАТО не може да ја остави на милост и немилост на триумфалните варвари, луѓе изложени како блиски поддржувачи на мировните мисии таму. И подвлеков со полна уста дека Албанија е подготвена да го преземе својот дел од товарот, што сите земји на НАТО мора да го поделат меѓу себе – порача Рама.
Фокус
