Како што информираа од Министерството за здравство, македонскиот сертификат за вакцинираните граѓани за сега не е со ограничен рок на важење. Сепак, повеќе европски земји, почнаа да ја ограничуваат важноста на ковид пасошот.
Во Хрватска, ковид пасошот има важност 9 месеци, во Данска 8, во Словачка 12 а во Австрија, исто како хрватска – важи 9 месеци. Единствен услов да се продолжи важноста е да се прими трета доза од вакцината, што почна да се применува во неколку европски држави
Министерот за здравство, Венко Филипче, најави дека е можно да се воведува трета доза, и тоа конкретно за пациентите кај кои е извршена трансплантација
и за бубрежно болните. Сепак, од ресорното министерство информираат дека Националниот комитет за вакцинација, откако ќе донесе одлука за аплицирање трета доза, МЗ ќе ја информира јавноста. А останува отворено прашањето, кои граѓани ќе треба да бидат вакцинирани со трета доза и дали постои можност за дискриминација, доколку се ограничи рокот на важност на сертификатот, па единствен услов да биде само примање трета доза, иако одредено лице нема потреба од истото.
