Слаба водоводна мрежа или воопшто и да ја нема, слаба струја, недоградени пречистителни станици, неизградени канализациски мрежи. За, жал, и во 21-от век се уште има населени места кои се без соодветна инфраструктура, а жителите постојано посочуваат на проблемите со кои се соочуват.
Но тука се министрите да се пофалат кога ќе „решат“ некој проблем кој инаку не би требало да воопшто постои во 21 век. Првиот вицепремиер и министер за политички систем и односи меѓу заедниците, Артан Груби, заедно со министерот за животна средина и просторно планирање, Насер Нуредини, и министерот за економија, Крешник Бектеши, беа во посета на општина Липково, поточно во населените места Лојане, Слупчане и Оризаре.
Во селото Лојане министрите го промовираа почетокот на изградбата на секундарната водоводна мрежа. И во Слупчане беше започна изградба на системот за водоснабдување. Денеска стартуваше и почетокот на работите за реализација на проектот за водоводната мрежа.
По се изгледа, во пресрет на локалните избори, централната власт ги засука ракавите да се „покаже“ пред народот.
