Тоа што ни се случува денес во смисла на починати е одраз на тоа што ни се случува во изминатите денови, изјави Беќаровски. Ни се случува голема смртност, тука нема збор, ја надминуваме горната граница, вели доктор Нико Беќаровски од Клиниката за токсикологија во изјава за дневникот на ТВ Сител.
Според него, овој сој почесто започнува како гастроескоскопски тегоби. Првин се појавуваат проливи и течни столици, тука веднаш почнуваат со антибиотици, а нападнат е дигестивниот систем од вирусот. Наместо пробиотици, ние даваме антибиотици. Кога ќе се качи температурата на 37,1, сите веднаш даваат парацетамоли, аспирини, кетонали.
Треба да оставиме малку организмот сам да се бори. Внесувајте по неколку литри течности дневно. Сепак одиме со погрешна стратегија. Луѓето не се виновни, тие се исплашени, се зема се што треба и не треба. Мора да имаме јасни протоколи, појаснува Беќаровски.
Докторот оценува дека стануваме земја со се повеќе коморбидитети, кои се поизразени од другите земји.
Ако прошетавте летово по охридските плажи, ретко ќе видевте некој со нормална тежина, ако зборуваме за коморбидитет дебелина. Таа со себе носи дијабетис и хипертензија, додава Беќаровски.
За овој четврт бран на корона, докторот вели дека ќе биде побурен, но помалку ќе трае.
