Министерот за здравство, Венко Филипче, вчера соопшти дека сертификатот за вакцинација од октомври ќе важи само доколку се примени две дози вакцина против коронавирус.
Доколку граѓаните сакаат да одат во рестораните, кафулињата и трговските центри, или да присуствуваат на спортски и културни собири ќе мора да имаат примено две дози од вакцината, наместо како досега што важеше правилото дека ќе се признае доколку е примена најмалку една доза.
Според него потребата од дополнителни мерки ќе зависи од состојбата со бројот на новите случаи на Ковид-19.
