Со видео рекордер и продолжен кабел пречекани Јапонците од „Митцубиши“
Јапонците од гигантот „Митцубиши“, кои го посетија РЕК Битола во намера да градат гасна централа за производство на струја, имаа и што да видат. Како што се гледа на фотографијата, јапонската технологија одамна е во примена во битолскиот комбинат, како на пример телевизорот со ЦРП екран од златните времиња на РЕК, веројатно од социјализмот, кога се купуваше квалитетно, зашто Сони е светска марка. Зад Јапонецот од „Митцубиши“, а под телевизорот, е и квалитетен видео – рекордер кој работи со ВХС касети. Уште еден доказ дека јапонските аларати се долговечни тука, но и дека штедливо се работи во Македонија.
А, за да се знае дека тука се произведува струја, на масата стои и продолжен кабел, па Јапонците веројатно можеле бесплатно да си ги наполнат мобилните телефони.
Членовите на делегацијата од јапонскиот гигант потоа излегоа од убавата канцеларија и прошетаа обезбедени со шлемови за да направат увид во состојбите во РЕК Битола. Според фотографијата подолу, очите на Јапонците (бидејќи устите им се покриени со маски) откриваат дека се изненадени од тоа што го гледаат. Да можевме да читаме од очи како што се чита од уста, веројатно ќе заклучевме дека се пријатно изненадени и дека се оптимисти од можната соработка.
Повеќе во мкд.мк
