Трикратниот шампион на Формула 1, легендарниот Ники Лауда, починал во вторникот на 71 година.
Последните моменти од својот живот Лауда ги минал покрај својата сопруга Брижит Ветцингер.
Иако никогаш не сакал во јавност да изнесува детали од својот приватен живот, Ники Лауда во една прилика им открил на новинарите дека во 2005-та година Брижит му го спасила животот.
Лауда тогаш бил во врска со 30 години помладата стјуардеса, која работела во неговата авио-компанија. Таа тогаш имала само 26 години. Иако кратко биле во врска, одлучила да му го донира својот бубрег.
Имено, претходното пресадување на органи не успеало. Во 1997-ма година братот Флориан му го донирал бубрегот, но организмот го исфрлил. Лауда открил дека синот Лукас ги правел тестовите, но се воспоставиле дека не може да биде донор и тогаш помош понудила неговата девојка Брижит.
“Брижит кажа дека ќе се тестира, јас ја прашав зошто, а таа ми одговори дека така сака. И кажав дека сме кратко во врска и дека не сакам толку да жртвува за мене. Меѓутоа, таа ги направи тестовите, а нејзиниот бубрег беше идеален за трансплантација”, открил Лауда во една прилика.
Брижит не била исплашена, едноставно тоа го направила…
“Го правам тоа за тебе, затоа што те сакам”, му велела убавата стјуардеса.
По неколкумесечни подоготовки, Лауда се молел трансплантацијата да успее, бил исплашен поради Брижит, па му олеснило што се минало како што треба.
Во 2008-ма година Лауда и Брижит се венчале на тајна церемонија во Виена. на венчавката присуствувале само најблиски пријатели и членови на семејството. Во среќниот брак овој пар добил две деца, близнаците Миа и Макс.
