И покрај обидите на претходната локална власт да покаже дека јавните претпријатија во Охрид функционираат во најдобар ред, сепак сликата е поинаква, па голем дел од нив имаат долгови по неколку основи.
Па така јавното претпријатие “Охридски комуналец” има долг од 2.569.964,00 денари за потрошена електрична енергија.
Според одговорот од претпријатието на прашањето од ОХРИД 24, долгот потекнува од пред 2014 год. за што имаат добиено извршно судско решение, а почнувајќи од 2015 год. тековно се подмируваат фактурите.
Освен долг за потрошена електрична енергија ова претпријатие должи и кон сега веќе поранешните членови на управен и надзорен одбор, односно претходното раководство на чело со директорот Љупчо Грданоски, не ги исплаќало обврските кон нив.
“Месечниот надоместокот за поранешните членови на управен и надзорен одбор не е подмирен за месеците 8,9,10,11/2021 година и дел 12/2021”, се вели во одговорот на претпријатието на прашањето од ОХРИД 24.
Пред новото раководство и новиот директор претстои предизвик да се сервисираат наталожените долгови и да се подобри финансиската состојба на претпријатието.
