По четврт пат, американската организација Men having babies ги отвори вратите на „Детскиот саем“ во Брисел.
Родителските можности за европските хомосекусуалци во целост го игнорираат европското право и правото на поединечните земји на Европа.
Во ходниците на луксузниот хотел “Хилтон” имало многу истакнати и богати мажи кои разгледувале каталози. Тие разгледувале фотографии на жени, од кои некоја ќе ги носи “нивните” деца (т.н. сурогат мајка) и кои ќе бидат подготвени да потпишат договор, кој ќе ги обврзе дека по девет месеци носење во утробата ќе се откажат од детето.
Хомосексуалните двојки на овој саем ги разгледуваат понудите и цените за добивање новороденчиња кои се различни – според “квалитетот”. Најниска цена е 95.000 долари (пред четири години беше 60.000), а максималниот износ е 160.000 долари. Тие можат да изберат пакет кој ги вклучува сите услуги: психолошка поддршка, правна помош, обезбедување на целосни клетки – јајце клетки и сперма (доколку е потребно), обезбедување сурогат мајка, летови и хотели во земји каде што треба да дојдат некои мајки итн.
Овој саем повеќе не се одржува тајно. Присуствуваат и мажи во костуми и со кравати, со паричник во рака и отворено ги заобиколуваат европските закони. Во 2015 година, Европскиот парламент дури и го осуди ова како форма на злоупотреба на жените.
