Елена Јовческа е позната македонска фолк пејачка. Многумина ја знаат како амбасадор на македонската култура и традиција, а и како свирач на изворни музички инструменти како гајдата и зурлата, но во новиот видео запис ни докажа дека и одлично знае да свири и на пијано.
Можеби е невообичаено за една девојка, но таква е нашата Елена, поткрепена со големи амбиции и авторски дела. Поради тоа, зад себе има долга музичка кариера и тоа повеќе од 12 години. Нејзината песна со која се впушти во музичките води е песната „Атлантида”.
Елена овој пат повторно не изненади со уште едно прекрасно музичко парче, во кое го преку песна и емоции го ”оживеаа” легендарниот Драган Вучиќ .
Драган Вучиќ ќе остане засекогаш впишан како еден од основоположниците на македонската јавна сцена од осамостојувањето на Македонија, па се’ до неговата прерана смрт. Академски музичар, врвен инструменталист, виртуоз зад бас гитарата, уште од најмала возраст се среќава со музиката, талент кој ќе го наследи од неговиот татко, некогаш познат хармоникаш Миле Вучиќ.
Искуството Вучиќ го стекнува свирејќи низ многу групи во младоста, низ безброј локали и кафеани, кога се запознава и со својата сопруга, Весна, ќерка на прочуениот македонски гајдаџија и легенда на изворниот македонски фолклор, Пеце Атанасовски. Љубов која ќе резултира со раѓањето на нивниот наследник, денес и самиот врвен музичар, синот Мартин Вучиќ.
