Со новиот летен сообраќајен режим и нови цени.
На градскиот плоштад во строгиот центар на Охрид еден саат паркинг ќе чини сто денари. На рампата кај поштата ќе се подигнува билет, со кој ќе може само поминување или кратко запирање на плоштад. Жителите на стар град ќе ја поминуваат и втората рампа која се наоѓа кај градското пристаниште, а оние кои ќе сакаат да паркираат на плоштад ќе мора да плаќаат 100 денари од час.
Коментарите на граѓаните поделени. Некои сметаат дека поскапувањето е исправно, по теркот на сите туристички места. На пример во строгиот центар на Дубровник еден час паркинг чини 6 евра. Па според тоа кој сака да паркира на плоштад нека плати.
Други пак сметаат дека цената е превисока.
Oваа одлука се очекува да помине на идната седница на Совет.
