Вчера во центарот на Скопје е искршено стакло на автомобилот на претседателот на Здружението за македонско-бугарско пријателство-Скопје Добре Митрев.
За криминалното дело преку објава на социјалната мрежа Facebook соопшти претседателот на ГДУ Петар Колев.
„Нема вака да не исплашите, многу сте плашливи, за да кршите прозорци. Да живее нашата татковина Македонија и да живеат Бугарите во Македонија. Претседателот на МБП Добре Митрев е способен човек ќе си купи ново стакло“, пишува Колев.
Митрев од своја страна за нашиот портал изјави дека самиот отишол во полиција каде што бил составен записник за немилиот настан./ТРИБУНА.МК
