На бугарската држава и е вратен древен шлем со потекло од бугарските земји, јавува Џуз.бг
Враќањето на вредниот артефакт во Бугарија доаѓа благодарение на успешно спроведената голема меѓународна акција за неутрализирање на криминална шема за трговија со културни и историски артефгакти, соопшти бугарското МВР.
Во операцијата, предводена од Канцеларијата на округот Њујорк, беа вклучени агенции за спроведување на законот од вкупно 11 земји: Бугарија, Египет, Грција, Ирак, Израел, Италија, Јордан, Либан, Либија, Сирија и Турција.
Древниот шлем е конфискуван од колекцијата на еден од најголемите колекционери на античка уметност во светот, откако американските истражители успеале да докажат дека артефактот бил внесен во земјата преку нелегална трговија со антиквитети.
Неговата вредност се проценува на околу 200.000 долари.
Шлемот, кој датира од 4-3 век пред нааш ера, е изработен од железо, сребро, бронза и органски материјали.
Се претпоставува дека неговото потекло е од територијата на Бугарија – кај сегашното село Плетена, општина Сатовча, Благоевградска област.
Американските експерти веруваат дека таа му припаѓала на Филип Македонски.
