Причините за новите поскапи цени се зголемување на трошоците пред сè повисоката цена на горивото за автобуси и на резервните автобуски делови.
Од денес автобуската карта до Куманово чини 150 денари, што е поскапување за 30 денари, откако лани напролет картата беше 100 денари, но тогаш скокна на 120, па сега се искачи дури до 150 денари за билет, објави Телма.
Како што објави оваа телевизија од денес нови цени имаат и картата за Велес која е поскапа за 30 денари, а најатрактивната тура до туристичкиот појас покрај Охридското Езеро скокна над 11 евра. Односно од денес Скопје-Охрид е со карти од 680 денари. Повратната е поевтина варијанта и за два правца до Охрид чини 930 денари.
Причините за новите поскапи цени се зголемување на трошоците пред сè повисоката цена на горивото за автобуси и на резервните автобуски делови. На цените влијаело и прогласувањето на недела за неработен ден и тоа што ангажираните возачи и шалтерски службеници од јануари ќе добиваат и дневница за работа во со закон предвидениот слободен ден.
