„Иако има голема омраза кон нас, ние ги сакаме сите без предрасуди какви што има кон нас. Дојдовме тука да ги посетиме и да се помолиме на гробовите на нашите предци, да ги посетиме верските објекти, еврејски историски места. Немаме во план да останеме во Македонија, дојдовме во посета 90 дена колку што ни дозволува престојот, а ќе заминеме за еден месец. Не сакаме никому да наштетиме, но се плашиме од заканите и омразата на месното население. Не можеме на мир да јадеме, да спиеме. Сакавме само кров над глава, без да сме навредувани“, вели Шаје Ваингатен од еврејската верска група „Лев Тахор“, која заедно со уште 37 членови, од кои повеќе од половината деца, од неделата вечер престојува во хотел во охридското село Лакочереј.
Таа вели дека иако дошле пред сè како туристи, досега не успеале да посетат ниту едно за нив значајно место. Потрошиле многу пари за сместувања, но од секаде биле избркани и не се чуствувале добредојдени. Нивниот начин на живот бил со постојано селење, но барале земја каде што ќе може слободно да живеат и да ја негуваат својата религија.
Но очигледно не се добредојдени ни во селото Горно Лакочереј, тие вечерва во поголем број пристигнаа во хотелот Прага и бараат уште вечерва да го напуштат селото.
Во продолжение погледнете го видеото:
