Случајот на починатата родилка од охридската населба Рача ја разбранува охридската и пошироката јавност. Од охридската болница каде пред една седмица се породила жената најавуваат дека ќе излезат со официјален став во текот на утрешниот ден.
Според првичните неофицијални информации, младата жена родена 1989 година, со царски рез се породила пред една недела во охридската Општа болница при што родила здраво женско бебе. Во текот на наредните денови дошло до влошување на состојбата на родилката, а откако било утврдено дека таа се наоѓа во живото загрозувачка состојба итно била пратена на клиниката во Скопје, каде по три дена починала. Неофицијално, причина за смртта е сепса.
