Овоштарите од Преспа во голема криза. Украина ги раскина сите договори за извоз на јаболка, јаболкарите велат во тотален колапс се наоѓаме.
Тони јаболка остануваат во магацините,дел ќе завршат низ ендеците, дел веќе се истураат во камионите за индустриска обработка.Цената за килограм јаболко е катастрофално ниска, продажба нема.Сега и со прекин на извозот за Украина и Русија ние пропаѓаме целосно се жалат ресенчани.
Виолета Грујеска од Избиште одгледува хектар ипол јаболка сама.Со солзи во очите раскажува за макотрпната борба за опстанок. Ваквата беизлезна ситуација ја делат неколку илјади јаболкари од Преспа. Привремено решение се гледа во интервентната мерка.
Поголем дел од населението во преспанскиот регион години наназад главната егзистенција ја трпи токму од продажбата на јаболка. Последниве години според нив се најкатастрофални за оваа гранка.
