18.9 C
Ohrid
вторник, мај 7, 2024
ПочетнаМакедонијаФИНАНСИСКАТА ПОЛИЦИЈА ЗАПЛЕНИ ТУТУН ВО ЉУБОТЕН

ФИНАНСИСКАТА ПОЛИЦИЈА ЗАПЛЕНИ ТУТУН ВО ЉУБОТЕН

Скопското село Љуботен утрово се разбуди под полициска опсада. Специјалци бараа шверцуван тутун и машини за негова обработка. Мештаните тврдат дека работат само со домашен и обвинуваат дека некој сака да им го земе бизнисот.

Од магацинот на Алил Ѓ Реџеповски денеска беа запленети 5 тони тутун. Тоа е трудот од цела година од кој се храни цело семејство вели Реџеповски.

„Околу 5 саат сабајле доаѓаат тука, ја скршија вратата, влегоа внатре… налог ми прават, телефонот ми го земаа. Тие направија многу проблеми денеска, ми земаа се што работев една година со деца со се.“ – вели Реџеповски.

Акцијата во Љуботен ја води финансиската полиција, поради сомнеж дека се криумчари непреработен тутун од сортата Вирџинија илегално од Србија, Бугарија и Грција. Тој тутун се носи на повеќе локации на црно каде со нелегални машини се преработува и продава, а продажбата не се евидентира никаде. Така тој тутун станува акцизно добро за кое никој не платил данок во овој случај вели директорот на финансиската полиција.

„Преку правни субјекти, тие ни се таргет на проверка, а не физичките кои за жал купиле од тие фирми одредена количина тутун која е недозволена да се продава, купува и реже.“ – Арафат Муареми од Финансиска полиција.

Градоначалникот на Бутел, Велимир Смилевски застана на страна на жителите во Љуботен.

„Денеска од граѓаните на Љуботен сум информиран дека има полициска акција. Јас дојдов во селото и утврдивме дека акцијата ја спроведува финансиската полиција за собирање на нелегалниот тутун кои го имаат селаните во своите домови. Но јас со сигурност тврдам дека не е нелегален, туку е стекнат на начин преку работа на целата фамилија која го ниже цела година и за тоа се информирани сите институции во државата.Се надевам дека брзо ќе заврши оваа голгота на народот и се ќе се реши низ институциите“ – изјави Смилевски.

Последците од нелегалниот ланец на тутун кој завршува во раце на македонските пушачи се штетни и по нивниот џеб и по здравјето.

„Во дел од примероците е детекртирано присуство на пестициди поточно Бифентрин, кој не е во продажба во нашата земја. Дополнително, нелегалниот режан тутун содржи катран во количини над дозволеното, кој самиот по себе е отровен.“ – изјави Ѓоко Танасоски, генерален директор на Царина.

Проценките на финансиската полиција се дека оваа и претходната година со криумчарење на тутун се прави штета врз државната каса од околу 7 ипол милиони евра. Инаку во Љуботен има околу 600 куќи во кои живеат 3000 жители кои главно се занимаваат со одгледување на тутун и бостан.

„Премиерот Зоран Заев и министерот за внатрешни му должат големо извинување на Љуботен, ако не излезат јавно да излезат тоа значи да не ни се вртат веќе околу селото.“ – вели жител од Љуботен.

При денешната акција во десетина објекти беа запленети речиси 12 тони тутун и машини, кои се чуваат во касарната Ѓорче Петров.

spot_img
spot_img
ПОВРЗАНИ СТАТИИ

Најпопуларни

Повеќе постови

Пронајден опожарен автомобил помеѓу селата, Волино и Мешеишта

Рано утрово пронајден е опожарен автомобил помеѓу селата Волино и Мешеишта. Спред првичните информации од мештаните не знаме за каква марка на автомобил станува...

Денеска по струшките улици литија со моштите на „Свети Георгиј Победоносец“

Традиционално, на 7 мај, моштите и чудотворните икони носени од угледни граѓани, предводени од локалното свештенство и братството и сестринството од Бигорски, манастирите во...

Страотна сообраќајка во „Влае“, едно од возилата е преполовено

Тешка сообраќајна несреќа се случи утрово кај мостот „Влајко“ во скопската населба Влае. Во сообраќајката учествувале две возила, од кои едното е пресечено на...

Петкоска: Почитувани граѓани на Република Македонија и мои драги охриѓани-Дојде денот за одлука во кој вашиот глас ја има моќта да ги промени работите!

Почитувани граѓани на Република Македонија и мои драги охриѓани! Дојде денот за одлука во кој вашиот глас ја има моќта да ги промени работите! Убедена сум...