Полициските униформи ќе бидат двојазични само за полициските припадници во општините каде албанскиот е службен јазик согласно Законот за употреба на јазиците. Вака првиот човек на МВР, ја образложи Уредбата која ја усвои Владата, а која предвидува униформите да бидат испишани и на албански јазик. Вели дека единиците кои се на државно ниво нема да имаат двојазични амблеми.
Рокот од една година за спроведување на Уредбата, според Спасовски, е даден поради тоа што ќе треба да се спроведат одредени постапки за трошење пари од државниот буџет.
Колку ќе чини целиот процес за промена на амблемите, Спасовски, вели дека ќе се знае на крај кога локалните единици ќе ги направат пресметките за целосно спроведување на постапката. Според Член 8 Став 3 од Законот за употреба на јазиците, униформите на полицијата, пожарникарството, здравството во Скопје и во општините во кои најмалку 20% од граѓаните зборуваат службен јазик различен од македонскиот, треба да бидат испишани и на албански јазик.
Тв21
