Лидерот на терористичката група Ал Каеда се појави на видео-снимка, со што ги отфрли гласините за негова смрт.
Во едно од ретките негови објавени видео-снимки Ајман ал Завахри кој беше заменик на Осама бин Ладен, ја фали индиската муслиманка која во февруари јавно се спротивстави на забраната на властите во југозападната индиска држава Карнатака за носење традиционалниот хиџаб. Снимката е прв доказ дека Ал Завахри е жив, за кој се ширеа шпекулации дека е мртов повеќе од две години.
Ал Завахри ја презеде функцијата лидер на Ал Каеда по убиството на Бин Ладен во 2011 година , од страна на американската морнарица за време на ноќниот напад во Пакистан каде што се криеше.
Се смета дека Ал Завахри се наоѓа некаде во северозападните авганистански провинции Кунар и Бадакшан на границата со Пакистан. Пограничниот регион долж непристапните планински масиви служел како засолниште за голем број вооружени групи.
BREAKING: New video speech by al-Qaeda leader Ayman al-Zawahiri appears to confirm he is alive, given reference to demonstrations in India over women wearing hijabs, which emerged in early 2022. He even references specific event from February 2022. pic.twitter.com/tMYvKvbNwp
— Rita Katz (@Rita_Katz) April 5, 2022
