Македонец и Бугарин, вработени во лаборатории, вчера биле приведени во дворот на Здравствен дом „Гоце Делчев“ во Делчево, откако биле фатени како разменуваат медиицински материјал.
Тие допатувале во Делчево со службени возила на лаборатории од Скопје и Бугарија, каде што биле вработени, при што биле затекнати како вршат размена на медицински материјал.
При претресот во возилото на бугарскиот државјанин Д.К.И. била пронајдена и одземена ќеса со повеќе епрувети наполнети со течност.
„За случајот е известен Јавен обвинител и по негово целосно расчистување и документирање ќе биде поднесена соодветна пријава“, објавија од МВР.
Не е познато дали приведениот од Скопје е вработен во државна или приватна лабораторија, ниту што содржеле запленетите епрувети.
Извор: Фактор.Мк
