Претседателот на РКЕ денеска на прес конференција посочи дека донесена е одлуката за просечната цена на електричната енергија се накачува за 7,3 %.
„Без блок тарифите цената на електричната енергија ќе се зголемеше за сите домаќинства 17,74% наместо за сегашната 7,4% за 98,8 од домаќинствата. Со оваа реформа на тарифниот систем се штитат најранливите категории“, изјави Бислимовски.
Според него, новите цени за универзалниот снабдувач ЕВН Хоме ДОО Скопје кои ќе бидат на сила од 1 јули 2022 година се димензионирани скалесто по блокови, така што оние кои трошат помалку електрична енергија ќе плаќаат пониска цена, за разлика од оние кои имаат поголема потрошувачка кои ќе плаќаат поскапа електрична енергија.
Сметките во зима:
59,9% ќе имаат покачување од 6,6%
35,5% ќе имаат покачување од 6,7% до 8,8%
3,4% ќе имаат покачување од 8.8% до 11,2%
1,2% ќе имаат покачување од 11,4% до 99,5%
Сметките во лето:
77,2% ќе имаат 6,7% покачување
21,8% ќе имаат покачување од 6,7% до 8.8%
0,7% ќе имаат покачувања од 8,8% до 11,3%
0,3% ќеимаат покачување од 11.4% до 100%
Бислимовски вели дека во зависност од блоковите, во зима 59,9% од домачинствата ќе имаат зголемени сметки за 6,6%, додека 35,5% ќе имаат зголемени сметки од 6,6% до 8,8%.
„3,4% од потрошувачите ќе добијат зголемени сметки од 8,8% до 11,2% и само 1,2% од потрошувачите ќе добиваат сметки зголемени од 11,4% до 99,5%. Во летниот период во зависност од блоковите, 77,2% од домаќинствата ќе имаат зголемени сметки за 6,7%, додека 21,8% ќе имаат зголемување од 6,7% до 8,8%. Само 0,7% од потрошуваќите ќе добијат зголемени сметки од 8,8% до 11,3% и 0,2% од потрошувачите ќе добиваат сметки зголемени од 11,4% до 100%“, додаде тој.
Извор:Тв21
