Тоалетната хартија со ликот на рускиот претседател Владимир Путин и натписот „Путин, е*и се“ е еден од најпопуларните сувенири што во моментов може да се купат во Варшава.
Главниот град на Полска е полн со потсетувања на војната што се води на само неколку стотици километри од Варшава.
Заедно со слики и магнети на најпознатиот Полјак, Св. Јован Павле Втори, украинскиот претседател Володимир Зеленски во моментов има статус на светец во Полска, чија слика може да се најде и на магнети и чаши.
Полската поддршка за Украина е непоколеблива. Полската влада се смета себеси за главен заштитник на Украина во Европа, поддржувајќи опсежни санкции против Русија. Полска го прифати најголемиот број украински бегалци во цела Европа (над 3 милиони), според УНХЦР.
Исто така, поддршката за соседна Украина е „видлива“ на секој чекор, како оваа фотографија од Луна паркот во Гдањск, каде што името на градот е осветлено во боите на украинското знаме.
Полската јавност, исто така, го дава својот дел – во неделата се појавија извештаи дека напорите за собирање средства за купување на турски дрон Bayraktar за украинските вооружени сили биле успешни, при што Полјаците собрале 22,5 милиони злоти (околу 5 милиони долари).
Таквата жестока поддршка, се разбира, ја оптовари инфраструктурата и економијата на Полска, но ентузијазмот за нивните источни соседи не покажува знаци на намалување, пишува Телеграф.
