Министерот за внатрешни работи Оливер Спасовски сподели дека транспарентноста на Министерството за внатрешни работи за 2022 година изнесува 91,7 отсто. Како што објави Спасовски на Фејсбук, резултатите се скок за 32,2 проценти, што успеале да го издејствуваат со неговиот тим од 2016 година по преземање на раководењето со МВР. Во објавата, првиот човек на МВР , наведува дека институцијата поминала низ три нивоа изминатите шест години – од крајно затворена институција до многу добра активна транспарентност.
Според графиконот кој го објави Спасовски, транспарентноста во 2016 година изнесувала 59, 5 проценти. Во 2020 кога половина година беше министер Наќе Чулев, транспарентноста била 85,4 отсто, а во 2022- 91,7 отсто.
„Продолжуваме со создавање отворена, отчетна и транспарентна институција пред граѓаните, преку активна соработка со медиумите – вистински одраз на внатрешната политика на Министерството во насока на градење на довербата помеѓу граѓаните и полицијата,“
напиша Спасовски.
