Фенербахче во рамките од третото коло во турската Суперлига ја запиша и втората победа во новата сезона остварена дома над Адана Демирспор со 4:2.
По првиот дел домаќините водеа со двата гола на Валенсија кој напрвин стрелаше од пенал во 21 минута, а во 41 ја зголеми позитивата после асистенцијата на Дурсун.
На стартот од второто полувреме за 3:0 се погрижи Зајц, потоа се вратија гостите со два погодоци преку Белханда од пенал во 55 минута и Дзјуба во 66 минута.
Во 80 минута за Фенербахче во игра влезе македонскиот репрезентативец Езџан Алиоски кој само четири минути подоцна стрелаше прекрасно со левата нога за поставување на конечниот епилог. За нашиот играч тоа е првиот гол за гигантот од Истанбул.
