Несреќата која се случила на 31-ви август околу 20 часот, кога сега веќе починатот момче најпрво околу 18 часот бил да го земе своето свидетелство од СУГС „Раде Јовчевски – Корчагин“, каде бил заедно со своите соученици и класната, која ги почестила со сок и благо.
По завршувањето на таа средба, 17-годишниот малолетник околу 20 часот излегува од училиштето и оди кон ГТЦ, од каде оди кон катната гаража и од истата скока. Починал на лице место. Тој беше погребан денес, петок, во 13 часот на гробишта „Бутел“ во Скопје. Од семејството се во шок од целата ситуацијата, а воедно и изненадени од молкот на неговото училиште СУГС „Раде Јовчевски – Корчагин“, каде следниот ден бил организиран свечен пречек, а истите не се јавиле да изразат ниту сочуство.
Момчето бил затворен тип и не споделувал со никого ништо, но од фамилијата дополнително се разочарани откако веќе на 1-ви септември во училиштето доаѓа и градоначалничката на Град Скопје, Данела Арсовска, каде заедно со учениците е организиран свечен пречек, а никој воопшто не го споменал трагичниот настан за ученикот од ова училиште, кој се случил неполни 24 часа претходно. Од семејството никого не сакаат да обвинат, но имаат многу прашања. Дали имал проблеми во гимназијата, дали бил малтретиран од некого, што се случувало со него. Каде е директорот на училиштето или психологот, прашуваат тие.
Во јавноста денес се појави нова информација, која ја пренесе новинарката Мирослава Симоновска, а која тврди ова е вистина и сето тоа набрзо ќе излезе на виделина.
Според она кое го тврди новинарката, соучениците на детето му се исмевале поради повеќе работи, било оставено и проштално писмо, а на истото имало и прашање дали сега тие ќе бидат среќни, откако него ќе го нема ..
-Стоки едни, му викале на детето дека мајка му и татко му пошто се стари, дека му биле ко баба и дедо, плус дека бил сиромашен му се закатанчиле буџетарите и плус му се издрале у школо дека не ги вратил книгите од лани.
И плус на тоа, прошталната порака пишал дека се надева оти децата сеа ќе се среќни шо го нема. Нема да ви помине булингов и криењево, сеа со сигурност знам!
