Косовската новинарка Зана Авдију рече дека провокациите на Гранит Џака насочени кон Србите се „срамни и скандалозни“, а сега таа стравува за сопствениот живот. Таа добивала закани.
Како што кажа нејзината адвокатка Аријанита Кочи, споменатата новинарка во последните неколку дена добивала многубројни пораки преку социјалните мрежи, а многу од нив повикуваат и на нејзино убиство.
Еден од корисниците ѝ напишал дека има време да дојде до неа за да ја убие, алудирајќи на убиството што се случи пред само неколку дена во Универзитетскиот клинички центар во Приштина, кога трудница беше пронајдена мртва во дворот.
Кочи пишува дека ваквите закани се недозволиви. Кажа дека светот може да не се согласува со Зана, но дека никој не смее отворено да ѝ се заканува.
Новинарката го коментираше мечот меѓу Србија и Швајцарија на Светското првенство во Катар. Гранит Џака по мечот со Србија го соблече дресот под кој имаше маица на која стоеше бројот 26 и името Јашари. Многумина се прашаа што тоа значи. Јашари е основачот на УЧК, а бројката 26 исто така има значење.
Пред 26 години во 1996 година Адем Јашари ја изведе најголемата акција во која петмина Срби беа убиени, а неколку ранети
