Премиерот Димитар Ковачевски, на медиумско барање, ги искоментира грешките во новиот учебник за историја и општество за 5 одделение, при тоа барајќи од авторите да обрнат поголемо внимание.
Тој ги повика поголемо внимание да обрнат и рецензентите при рецензирањето на учебниците, додека според владиниот претседател, министерот за образование и наука во овој случај не треба да сноси одговорност.
-Министер за образование и наука не ги пишува учебниците. Учебници пишуваат автори, рецензија прават рецензенти. Затоа, онаму каде што се појавиле грешки при пишувањето на книгите, при нивното рецензирање, тие ќе треба да бидат вратени и да бидат заменети со текстови кои што ќе бидат напишани на научен начин, рецензирани согласно научната пракса, и како такви повторно дистрибуирани, рече Ковачевски.
Инаку, Министерството за образование и наука и Педагошката служба соопштија дека е почнат процесот за утврдување на причините за пропустите при одобрувањето и издавањето на овој учебник за кој, како што се наведува, се констатирани низа грешки и нелогичности не смееја да се дозволат
Фактор
