Бојан Јовановски во јавноста познат како Боки 13 Бојан беше осуден на девет години затвор како претседател на невладината организација „Меѓународен сојуз“.
Македонскиот шоумен, по апсењето во акцијата „Рекет“ заврши во истражниот затвор „Скопје“.
Тој беше затворен на 15 јули 2019 година, а Основниот кривичен суд Скопје на 18 јуни 2020 година првостепено го осуди на девет години затвор, а разрешената македонска специјална обвинителка Катица Јанева на седум години затвор.
Вчера пак метеорологот Славчо Попоски објави фотографија на која тој е заедно со Боки 13 и напиша статус со кој ја изненади јавноста. По кратко време Славчо ја избриша фотографијата од својот профил но статусот се уште е достапен за јавноста.
Имено Славчо вели дека во јавноста се зборува за Боки како криминалец и рекетар но тој всушност е голем хуманитарец.
Многумина ќе кажете криминалец, рекетар и слично, но оваа до мене е личноста која помагаше на голем број семејства кои имаа проблем со прилив на пари и слично! И за жал на крајот испадна најлош од сите! Тие што на овој човек со ангелска душа му го направија тоа лошо дело да биде сега каде што не треба ќе платат скапо, само полека полека и со тек на време… Не знаат ни самите што ги чека!
