Премиерот Зоран Заев со сопругата присуствуваше на прием кој го организираше американскиот претседател Доналд Трамп и неговата сопруга Меланија, во Њујорк на ГС на ОН.
Тие оваа средба ја овековечија со фотографија, на која можеме да забележиме дека премиерот Заев се одлучил за идентична вратоврска како и претседателот на САД, а неговата сопруга Зорица избрала црна елегантна комбинација.
– Чест и задоволство ни беше со Зорица да присуствуваме на приемот организиран од Претседателот Трамп и првата дама Меланија, во Њујорк за време на ГС на ОН.
Претседателот ни упати порака дека го цени и целосно го поддржува Договорот од Преспа. Чест е да се добие ваква поддршка од врвен лидер и креатор на глобални договори – напиша Заев на фејсбук.
