Ми беше огромно задоволство што денеска во Охрид имав можност да поразговарам со младата Христијана Парулеска, која се закити со титулата европска шампионка во спаринг борби на Европското првенство во таеквондо ИТФ, кое минатиот месец се одржа во Језоло, Италија.
<
Нашата млада шампионка е и актуелна европска вицешампионка во категоријата Форми-борба со замислен противник и е прогласена за најдобра кадетка на европското таеквондо ИТФ, што е историски успех за нашата држава, прв пехар во Северна Македонија од сите поединечни спортови.
Младите се нашата иднина, имаме должност да инвестираме во подобра иднина за нив, затоа што со нивните успеси нашата држава станува препознатлива во светот.
