Полицијата неодамна информираше дека пресекла канал за трговија со дрога од 300 илјади евра и уапсила тројца осомничени дилери. Еден од нив, според информации на „Слободен печат“, е вработен на шалтер на Клиниката за онкологија
<
. На 5 април, полицајци од Одделението за безбедност на патниот сообраќај Неготино во координација со СВР Велес, запреле возило „Мерцедес“ со скопски регистерски ознаки, кое го возел вработениот на скопска Онкологија, и во него нашле четири патни торби со 100 килограми висококвалитетна марихуана вредна 300 илјади евра.
Таа, според МВР, најверојатно потекнува од фабрика за производство на масло од канабис за медицински цели, а при улична продажба би достигнала цена од 600 илјади евра.
