Во Бијелина е уапсен поштарот Никола Б., откако пијан почнал да дели пензии во кафеана во овој град, а гостите се степале кој ќе земе повеќе пари.
Како што пренесуваат порталите од Република Српска, поштарот толку се напил, па во еден момент ја отворил торбата во која имал неподелени пензии и почнал да им дели пари на гостите.
Во еден момент дошло до расправија меѓу гостите, по што тие се истепале, па во кафеаната дошла полициска патрола и го однела поштарот во станица.
Инаку, полицијата поради овој инцидент го повикала на информативен разговор и директорот на поштата од Бијелина.
