Претседателот на Алијанса за Албанците и градноначалник на Гостивар Арбен Таравари денеска ќе ја официјализира кандидатурата за претседател на земјава. Тој за утрвото во Гостивар најави официјална промоција на кандидатурата која според соопштението е на предлог на Претседателството на Алијанса, а поддржана од Европскиот сојуз за промени.
Претседателот на Алијансата за Албанците, д-р Арбен Таравари ќе ја објави својата кандидатура за претседател на државата, како предлог на Претседателството на Алијансата за Албанците, поддржано од Коалицијата Европски сојуз за промени – ЕСП. Присутни на прес конференцијата ќе бидат и лидерот на Демократското движење, г. Изет Меџити, на Движењето Беса, г. Билал Касами, на Алтернатива, г. Африм Гаши, како и претставникот на Движењето Самоопределување!, г. Беким Ќоку. Прес-конференцијата ќе се одржи на градскиот плоштад во Гостивар, се вели во партиското соопштение.
Таравари е во конфликт со поранешниот претседател на Алијанса, Зијадин Села кој застана против неговиот предлог партијата на парламентарните и претседателските избори да оди со здружената албанска опозиција. Расколот дојде од таму што, Села за в недела закажа партиски конгерс за разгледување на иницијативата за разрешување на Таравари.
