Движењето ЗНАМ на Максим Димитриевски ќе биде дел од владата на идниот мандатар Христијан Мицкоски само ако нивната платформа стане дел од владината програма зашто станува збор за идентитетско и идеолошко прашање за партијата. Во спротивно, како што вели за „Слободен печат“ висок функционер на ЗНАМ, ќе останат во опозиција.
ВМРО-ДПМНЕ и коалицијата „Вреди“ ги договорија првиот и вториот владин ешалон, а лидерот на Алтернатива, Африм Гаши, на утрешната конститутивна собраниска седница ќе биде предложен за нов претседател на Собранието, брифираат за „Слободен печат“ извори од албанскиот политички блок. Според нашите информации, планот на ВМРО-ДПМНЕ и на „Вреди“ е Гаши утре да биде избран за претседател на Собранието иако конститутивната седница според собранискиот Деловник, може да трае три дена.
претресот, а најдоцна до 24 часот.
И за избор на претседател на Собранието се води единствен претрес, кој не може да трае повеќе од еден ден. Гласањето за избор на претседател на Собранието се врши по завршување на претресот, а најдоцна до 24 часот. Кандидат за претседател на Собранието може да предлага Комисијата за прашања на изборите и именувањата или најмалку 20 пратеници. Според наши информации, ВМРО-ДПМНЕ и „Вреди“ најверојатно кандидатот за претседател Гаши ќе го предложат со потписи на 20 пратеници, за тој да биде единствен предлог за претседател на Собранието.
Слободен Печат
