Рано утрината српската полиција откри тело на жена родена 1935 година, закопано во гаражата од семејниот дом на улица ,,Доментиева“ на Дедиње во Белград.
Како што јавува РТС, се претпоставува дека синот, роден 1966 година, ја закопал тука починатата мајка, поради користење на нејзината пензија која била висока.
Жената умрела од природна смрт, пишуваат срспките мдиуи.
Инаку, овој бизарен случај го пријавила снаата на закопаната жена.
Таа отишла во полиција и кажала дека нејзиниот сопруг не ја пријавил смртта на сопствената мајка, а телото го закопал во гаражата.
Сторителот е уапсен,а во полиција првично изјавил дека мајка му починала на 11 октомври, но дека тој решил да ја закопа во дворот дури на 20 октомври.
Соседите изјавиле дека не ја виделе жената повеќе од еден месец, а нејзиниот син бил невработен.
Еспресо.рс открива дека несреќната жена примала странска пензија наследство од нејзиниот сопруг во висина од 1.700 евра.
