Стотици возила попладнево го блокираа главниот град на потегот од Средно Водно до Центар. Со развиорени албански знамиња, се славеше Денот на албанското знаме.
Колоната, која беше придружувана од страна на полицијата, тргна од Средно Водно и се движеше кон централното градско подрачје. Граѓаните кои се најдоа во овој дел од Скопје сведочат дека движењето во двата правци било целосно блокирано.
Скопје Инфо“ побара информации од Министерството за внатрешни работи (МВР) за тоа дали ова беше организиран собир, кој претходно бил најавен во полицијата. До овој момент, одговор од МВР не беше добиен.
