Бизарна сообраќајна несреќа се случила доцна попладнево – автобус удрил во стадо крави кое слободно се движело на автопатот Скопје-Тетово, објави ТВ21.
Засега нема информации за повредени луѓе во несреќата. Таа предизвикала застој во сообраќајот и долги колони од возила на автопатот вечерва. На снимката на ТВ21 може да се видат скршеното ветробранско стакло на автобусот, една крава која лежи на коловозот, очигледно повредена, како и крави кои не го преживеале судирот.
АМСМ вечерва извести дека сообраќајот се пренасочува по стариот пат Скопје-Тетово поради сообраќајната несреќа.
Во изминатите месеци, граѓани неколкупати предупредуваа на социјалните мрежи дека домашни животни се пуштаат слободно да се движат на автопатот меѓу Скопје и Тетово.
