Акцијата за намалување на цените на дел од прехранбените производи, позната како „Новогодишна кошничка“, заврши по еден месец. Надлежните ја оценија како успешна, истакнувајќи дека цените на храната и пијалоците во декември бележат намалување. Сепак, граѓаните реагираа дека промените биле минимални, додека опозицијата ги критикуваше мерките како неуспешни.
Денеска завршува таканаречената „Новогодишна кошница“ со која во изминативе 30 дена 1.178 прехранбени производи од 96 производители беа со намалени цени од минимум 10 отсто. Граѓаните со поделени ставови дали оваа акција која беше на иницијатива на бизнис заедницата, во договор со Владата, дала резултати.
„Не, дури почувствувавме дека се е поскапено“
„Не многу, посебно пазарењето пред Нова Година беше со истите цени. После нова година има некое намалување. Не се значителни, ама има.“
Според министерството за економија и труд од каде не сакаа да дадат изјава, писмено соопштија дека се задоволни од резултатите на оваа акција.
