Ова е ненормална држава вели еден од оштетените: Арамии го пустошат струшко Враништа, полицијата не презема ништо

Куќи, продавници, цркви се мета на крадци во дел од струшките села изминатите денови. Само во селото Долна Белица за помалку од една недела, според кажувањата на локалното население, опљачкани се 16 куќи како и домови на иселеници во странство. Но крадците не мируваат сега ова се случува и во селото Враништа. Одземена била покуќнина, апарати и други предмети. Жителите велат дека ќе бидат принудени да се организираат и сами да чуваат стражи во селото бидеќи полицијата не превзема ништо.