Со Државниот јавен обвинител Љупчо Коцевски денеска во емисијата „DailyClick“ на ТВ21 разговаравме за несреќата на булеварот „Партизански одреди“ каде загина 22-годишната Фросина Кулакова.
<
Коцевски вели дека се испитува дали возачот кој ја удри, Васил Јованов го извршил делото со умисла или во небрежност.
„Јавниот обвинител ќе испита дали може да се работи евентуално и за умисла со оглед дека истиот доколку бил под дејство на алкохол, немал возачка дозвола, возел со многу, многу поголема брзина од дозволената и поминал на црвено светло, ќе видиме во текот на постапката дали има место за тоа дали кривичното дело го сторил со умисла“, вели Коцевски.
Како што додава, воглавно скоро сите кривични дела се извршуваат во сообраќајот од небрежност.
