На местото каде што загинаа 60 млади луѓе, има можност да се создаде нешто значајно – меморијален парк од 1600 квадратни метри, кој ќе биде не само место за сеќавање, туку и простор за тивка почит и духовно обновување. Високите тополи ќе создадат чувство на заштитеност и интимност, додека меморијалниот ѕид со имињата на загинатите ќе носи емоционална тежина и ќе биде сведоштво за нивната жртва. Фонтаната, која симболизира животот и обновувањето, и малата црква ќе внесат духовен аспект, создавајќи мирна и медитативна атмосфера.
Зеленилото, лаванда и други природни елементи ќе го обогатат просторот, додавајќи му на овој меморијален парк мирна и смирена атмосфера. Овој проект може да стане вистинско место за сеќавање, каде што не само што ќе се оддаде почит на жртвите, ќе се создаде простор за надминување на трагедијата и надеж за иднината.
Како граѓанин на Кочани, чувствувам обврска да придонесам дека ова место нема да биде заборавено. Сакајќи да дадам свој придонес, решив да го направам овој проект – за да создадам нешто што ќе ги одржи живи сеќавањата на жртвите и ќе служи како симбол на силата, храброста и достоинството на нашата заедница.
Пишува Дарко Арсов од Кочани.
