Охриѓанец жртва на навредливи и монтирани видеа на социјалните мрежи – случајот пријавен во МВР
Охрид, 19 април 2025 – Директорот на погребалното препријатие Две Солзи се соочува со сериозни навреди и омаловажување на социјалните мрежи, откако биле објавени монтирани видеа со цел да му се наруши угледот. Според неговите наводи, видеата се тенденциозно креирани и шират лажни информации, што предизвикало вознемиреност и штета по неговиот личен и професионален живот.
Настанот е пријавен во Министерството за внатрешни работи, од каде информираат дека работат на целосно расветлување на случајот и пронаоѓање на сторителите. Од МВР апелираат граѓаните да пријавуваат слични случаи и да се воздржуваат од ширење непроверени и навредливи содржини со цел да се наруши нечиј изглед или бизнис.
Во време кога дигиталната комуникација е дел од секојдневието, злоупотребата на социјалните мрежи станува сè почеста појава. Надлежните институции потсетуваат дека ваквите дела не се без последици и повикуваат на одговорно и етичко однесување во онлајн просторот.
